साहित्य

🌞📚शुभ सकाळी…वेचूया माहितीचे कण

Vidhayak Deepstambha

February 2, 2026

विधायक दीपस्तंभ वृत्तसेवा
आरमोरी (जिल्हा गडचिरोली)
दि.२ फेब्रुवारी २०२६
🌼🌼🌼🌹🌼🌼🌼

📚श्री संत तुकाराम महाराज गाथा
अभंग १०

देवाच्या प्रसादें करा रे भोजन ।
व्हाल कोण कोण अधिकारी ते ॥१॥

ब्रम्हादिकांसि हें दुर्लभ उच्छिष्ट ।
नका मानूं वीट ब्रम्हरसीं ॥ध्रु.॥

अवघियांपुरतें वोसंडलें पात्र ।
अधिकार सर्वत्र आहे येथें ॥३॥

इच्छादानी येथें वोळला समर्थ ।
अवघेंचि आर्त पुरवितो ॥४॥

सरे येथें ऐसें नाहीं कदाकाळीं ।
पुढती वाटे कवळीं घ्यावें ऐसें ॥५॥

तुका म्हणे पाक लक्षुमीच्या हातें ।
कामारी सांगातें निरुपम ॥५॥

🌹🌹🌹🌹🌹🌹🌹

📚श्री संत जनाबाईंची गाथा
अभंग ५

काय हे करावे । धनवंतादि अवघे ॥१॥

तुझें नाम नाहीं जेथें । नको माझी आस तेथें ॥२॥

तुजविण बोल न मानीं । करीं ऐसें ह्मणे जनी ॥३॥
🌼🌼🌼🌼🌼🌼🌼

📚श्री संत मुक्ताईंची गाथा
६ नाम

नाम मंत्रे हरी निजदासां पावे। ऐकोनी यां धावे झडकरी ॥१॥

सुदर्शन करीं पावे लवकरी। पांडवां साहाकारी श्रीकृष्ण रया ॥२॥

निजानंद दावी उघड पैं वैकुंठ। नामेंचि प्रकट आह्मांलागीं ॥३॥

मुक्ताई जीवन मुक्त हा संसार। हरी पारावार केला आम्हीं ॥४॥
🌼🌼🌼🌼🌼🌼🌼🌼
📚संकलन
✍️🎙️सौ.दिपलक्ष्मी वि.गोंदोळे
निवासी संपादक (महिला विश्व)
विधायक दीपस्तंभ न्यूज

साभार: ग्रंथसंपदा
🌹🌹🌹🌹🌹🌹🌹