🌞📚शुभ सकाळी…वेचूया माहितीचे कण

विधायक दीपस्तंभ वृत्तसेवा
आरमोरी (जिल्हा गडचिरोली)
दिनांक:१५ फेब्रुवारी २०२६
🟧🟩🟪🟧🟩🟪

📚श्री संत तुकाराम महाराज गाथा
-अभंग १७

कर कटावरी तुळसीच्या माळा ।
ऐसें रूप डोळां दावीं हरी ॥१॥

ठेविले चरण दोन्ही विटेवरी ।
ऐसें रूप हरी दावीं डोळां ॥ध्रु.॥

कटीं पितांबर कास मिरवली ।
दाखवीं वहिली ऐसी मूर्ती ॥३॥

गरुडपारावरी उभा राहिलासी ।
आठवें मानसीं तेंचि रूप ॥४॥

झुरोनी पांझरा होऊं पाहें आतां ।
येईं पंढरीनाथा भेटावया ॥५॥

तुका म्हणे माझी पुरवावी आस ।
विनंती उदास करूं नये ॥६॥

🌼🌼🌼🌼🌼🌼🌼

📚श्री संत जनाबाईंची गाथा
अभंग ११

नाम विठोबाचें थोर । तरला कोळी आणि कुंभार ॥१॥

ऐसी नामाची आवडी । तुटे संसाराची बेडी ॥२॥

नाम गाय वेळोवेळां । दासी जनीसी नित्य चाळा ॥३॥
🟧🟧🟧🟧🟧🟧🟧

📚श्री संत मुक्ताईंची गाथा
११- संत

आदि अंतु हरि सर्वाघटी पूर्ण। जाणोनि संतजन प्रेमभरित ॥१॥

रामनाम चित्ते प्रेम वोसंडत । नित्यानित्य तृप्त हरिभक्ती ॥२॥

शांति क्षमा दया सावध पैं चित्तीं। आनंदे डुल्लती सनकादिक ॥३॥

मुक्ताई ह्मणे नाम श्रीहरिचे जोडी नित्यता आवडी चरणसेवा ॥४॥

🌼🌼🌼🌼🌼🌼🌼🌼

🌹 आमचे सर्व वाचक, दर्शक, हितचिंतक, शुभचिंतक, मार्गदर्शक व समस्त भाविक भक्त तसेच जनतेला ‘महाशिवरात्री’,च्या शिव मंगलमय हार्दिक विधायक शुभेच्छा! तसेच संत गाडगेबाबा व संत सेवालाल जी महाराज जयंती निमित्त विनम्र अभिवादन 🙏 🌹✍️🎤 विलास गोंदोळे, संपादक, विधायक दीपस्तंभ न्यूज

📚 संकलन
✍️🎙️सौ.दिपलक्ष्मी वि.गोंदोळे
निवासी संपादक (महिला विश्व)
विधायक दीपस्तंभ न्यूज

साभार: ग्रंथसंपदा
🟧🟪🟩🟧🟪🟩