🌞📚शुभ सकाळी…वेचूया माहितीचे कण

विधायक दीपस्तंभ वृत्तसेवा
आरमोरी (जिल्हा गडचिरोली)
दि.३१जानेवारी २०२६

📚श्री संत तुकाराम महाराज गाथा
अभंग ९

जेविले ते संत मागें उष्टावळी ।
अवघ्या पत्रावळी करुनी झाडा ॥१॥

सोवळ्या ओंवळ्या राहिलों निराळा ।
पासूनि सकळां अवघ्यां दुरीं ॥ध्रु.॥

परें परतें मज न लागे सांगावें ।
हें तों देवें बरें शिकविलें ॥३॥

दुसऱ्यातें आम्ही नाहीं आतळत ।
जाणोनि संकेत उभा असे ॥४॥

येथें कांहीं कोणी न धरावी शंका ।
मज चाड एका भोजनाची ॥५॥

लांचावला तुका मारितसे झड ।
पुरविलें कोड नारायणें ॥५॥

🌹🌹🌹🌹🌹🌹🌹

📚श्री संत जनाबाईंची गाथा
अभंग ४

एक नाम अवघें सार । वरकड अवघें तें असार ॥१॥

ह्यणोनियां परतें करा । आधीं विठ्‌ठल हें स्मरा ॥२॥

जनी देवाधिदेव । एक विठ्‌ठल पंढरीराव ॥३॥
🌼🌼🌼🌼🌼🌼🌼

📚श्री संत मुक्ताईंची गाथा
५
नाम

आधी तूं मुक्तचि होतासिरे प्राणिया। परि वासनें पापिणिया नाडिलासी ॥१॥

आधींचें आठवीं मग घेईं परी। हरिनाम जिव्हारी मंत्रसार ॥२॥

आदि मध्य हरी ऊर्ध्व पैं वैकुंठ। जाईल वासना हरि होईल प्रकट ॥३॥

एकतत्त्व धरी हरिनाम गोड। येर तें काबाड विषय ओढी ॥४॥

नानामते सांडीं वासना पापिणी। एक नारायणिं चाड धरीं ॥५॥

मुक्ताई मुक्तलग सांडिली हे वासना। मुक्तामुक्ती राना हरिपाठ ॥६॥
🌼🌼🌼🌼🌼🌼🌼🌼
📚संकलन
✍️🎙️सौ.दिपलक्ष्मी वि.गोंदोळे
निवासी संपादक (महिला विश्व)
विधायक दीपस्तंभ न्यूज

साभार: ग्रंथसंपदा
🌹🌹🌹🌹🌹🌹🌹