🌞📚शुभ सकाळी…वेचूया माहितीचे कण

विधायक दीपस्तंभ वृत्तसेवा

📚श्री संत तुकाराम महाराज गाथा अभंग ८

पुढें गेले त्यांचा शोधीत मारग ।
चला जाऊं माग घेत आम्ही ॥१॥

वंदूं चरणरज सेवूं उष्टावळी ।
पूर्वकर्मा होळी करुनियां ॥ध्रु.॥

अमुप हे गांठीं बांधूं भांडवल ।
अनाथा विठ्ठल आम्हां जोगा ॥३॥

अवघे होती लाभ एका या चिंतनें ।
नामसंकीर्तनें गोविंदाच्या ॥४॥

जन्ममरणाच्या खुंटतील खेपा ।
होईल हा सोपा सिद्ध पंथ ॥५॥

तुका म्हणे घालूं जीवपणा चिरा ।
जाऊं त्या माहेरा निजाचिया ॥६॥
🌹🌹🌹🌹🌹🌹🌹

📚श्री संत जनाबाईंची गाथा
अभंग ३

नाम फुकट चोखट । नाम घेतां नये वीट ॥१॥

जड शिळा ज्या सागरीं । आत्मारामें नामें तारी ॥२॥

पुत्रभावें स्मरण केलें । तया वैकुंठासी नेलें ॥३॥

नाममहिमा जनी जाणे । ध्यातां विठ्‌ठलचि होणें ॥४॥
🌼🌼🌼🌼🌼🌼🌼

📚श्री संत मुक्ताईंची गाथा
४
नाम

अलिप्त संसारी हरिनामपाठें । जाईजे वैकुंठे मुक्तलग ॥१॥

हरिवीण मुक्त न करि हो सर्वदा। संसारआपदा भव तोडी ॥२॥

आशेच्या निराशीं अचेतना वारी। चेतविल हरी आप आप रुपें ॥३॥

मुक्ताई जिवन्मुक्तची सर्वदा । अभिन्न पैं भेदा भेदियेलें ॥४॥
🌼🌼🌼🌼🌼🌼🌼🌼
📚संकलन
✍️🎙️सौ.दिपलक्ष्मी वि.गोंदोळे
निवासी संपादक (महिला विश्व)
विधायक दीपस्तंभ न्यूज

साभार: ग्रंथसंपदा
🌹🌹🌹🌹🌹🌹🌹