🌞📚शुभ सकाळी…वेचूया माहितीचे कण

विधायक दीपस्तंभ वृत्तसेवा

📚श्री संत तुकाराम महाराज गाथा
अभंग ७

सुखें वोळंबा दावी गोहा ।
माझें दुःख नेणा पाहा ॥१॥

आवडीचा मारिला वेडा ।
होय होय कैसा म्हणे भिडा ॥ध्रु.॥

अखंड मज पोटाची व्यथा ।
दुधभात साकर तूप पथ्या ॥३॥

दो प्रहरा मज लहरी येती ।
शुद्ध नाहीं पडे सुपत्ती ॥४॥

नीज नये खाली घालीं फुलें ।
जवळीं न साहती मुलें ॥५॥

अंगी चंदन लावितें भाळीं ।
सदा शूळ माझे कपाळीं ॥६॥

निपट मज न चले अन्न ।
पायली गहूं सांजा तीन ॥७॥

गेले वारीं तुम्हीं आणिली साकर ।
सात दिवस गेली साडेदहा शेर ॥८॥

हाड गळोनि आलें मास ।
माझें दुःख तुम्हां नेणवे कैसें ॥९॥

तुका म्हणे जिता गाढव केला ।
मेलियावरी नरका नेला ॥१०॥
🌹🌹🌹🌹🌹🌹🌹

📚श्री संत जनाबाईंची गाथा
अभंग २

जन्मा येऊनियां देख । करा देहाचें सार्थक ॥१॥

वाचे नाम विठ्‌ठलाचें । तेणें सार्थक देहाचें ॥२॥

ऐसा नामाचा महिमा । शेषा वर्णितां झाली सीमा ॥३॥

नाम तारक त्रिभुवनीं । ह्मणे नामयाची जनी ॥४॥
🌳🌳🌳🌳🌳🌳🌳

📚श्री संत मुक्ताई ची गाथा
३ पंढरी माहात्म्य

प्रकृति निर्गुण प्रकृति सगुण। दीपें दीप पूर्ण एका तत्त्वें ॥१॥

देखिलेंगे माये पंढरिपाटणीं। पुंडलिका आंगणी विट्ठलराज ॥२॥

विज्ञानेंसी तेज सज्ञानेंसी निज। निर्गुणेंसी चोज केलें सये ॥३॥

मुक्ताई तारक सम्यक विठ्ठल। निवृत्तीनें चोखाळ दाखविलें ॥४॥

📚संकलन
✍️🎙️सौ.दिपलक्ष्मी वि.गोंदोळे
निवासी संपादक (महिला विश्व)
विधायक दीपस्तंभ न्यूज

साभार: ग्रंथसंपदा
🌹🌹🌹🌹🌹🌹🌹