🌞📚शुभ सकाळी…वेचूया माहितीचे कण

January 28, 2026

विधायक दीपस्तंभ वृत्तसेवा

📚श्री संत तुकाराम महाराज गाथा
अभंग ६

पावलें पावलें तुझें आम्हां सर्व ।
दुजा नको भाव होऊं देऊं ॥१॥

जेथें जेथें देखें तुझींच पाउलें ।
त्रिभुवन संचलें विठ्ठला गा ॥ध्रु.॥

भेदाभेदमतें भ्रमाचे संवाद ।
आम्हां नको वाद त्यांशीं देऊं ॥३॥

तुका म्हणे अणु तुजविण नाहीं ।
नभाहूनि पाहीं वाढ आहे ॥४॥
🌹🌹🌹🌹🌹

📚श्री संत जनाबाईंची गाथा
अभंग १

गातां विठोबाची कीर्ती । महापातकें जळती ॥१॥

सर्व सुखाचा आगर । उभा असे विटेवर ॥२॥

आठवितां पाय त्याचे। मग तुह्यां भय कैंचें ॥३॥

कायावाचामनें भाव । जनी ह्मणे गावा देव ॥४॥
🌳🌳🌳🌳🌳

📚श्री संत मुक्ताईंची गाथा
२ पंढरी माहात्म्य

शून्यापरतें पाही तवं शून्य तेंही नाहीं। पाहातें पाहोनि ठायीं ठेवियलें ॥१॥

कैसागे माये हा ताखकु दिवटा। पंढरी वैकुंठा प्रकटला ॥२॥

न कळे याची गती आदि मध्य अंती। जेथें श्रुति नेति नेति प्रकटल्या ॥३॥

मुक्ताई सप्रेम विठ्ठल संभ्रम। शून्याही शून्य सम शेजबाज ॥४॥

📚संकलन
✍️🎙️सौ.दिपलक्ष्मी वि.गोंदोळे
निवासी संपादक (महिला विश्व)
विधायक दीपस्तंभ न्यूज

साभार: ग्रंथसंपदा
🌹🌹🌹🌹🌹🌹🌹