🌞📚शुभ सकाळी..वेचूया माहितीचे कण!

January 27, 2026

विधायक दीपस्तंभ वृत्तसेवा

श्री संत तुकाराम महाराज गाथा
अभंग ५

अंतरींची घेतो गोडी ।
पाहे जोडी भावाची ॥१॥

देव सोयरा देव सोयरा ।
देव सोयरा दीनाचा ॥ध्रु.॥

आपुल्याच वैभवें ।
शृंगारावें निर्मळे ॥३॥

तुका म्हणे जेवी सवें ।
प्रेम द्यावें प्रीतीचें ॥४॥

🌹🌹🌹🌹🌹🌹

श्री संत मुक्ताईंची गाथा
१ पंढरीमाहात्म्य

मुक्त जीव सदा होति पैं नामपाठें ।तेचि रूप विटे देखिलें आम्हीं ॥१॥

पुंडलिके विठ्ठल आणिला पंढरी। आणूनि लवकरी तारिलें जग ॥२॥

ऐसें पुण्य केलें एका पुंडालिकेची। निरसली जनाची भ्रमभूली ॥३॥

मुक्ताई चिंतनें मुक्त पैं जाली। चरणीं समरसली हरिपाठे ॥४॥
🌹🌹🌹🌹🌹🌹

ताटीचे अभंग
अभंग १

संत जेणे व्हावे । जग बोलणे सहावे ॥१॥

तरीच अंगा थोरपण । जया नाही अभिमान ॥२॥

थोरपण जेथे वसे । तेथे भूतदया वसे ॥३॥

रागे भरावे कवणाशी । आपण ब्रह्म सर्व देशी ॥४॥

ऐसी समदृष्टी करा । ताटी उघडा ज्ञानेश्वरा ॥५॥

📚संकलन
✍️🎙️सौ.दिपलक्ष्मी वि.गोंदोळे
निवासी संपादक (महिला विश्व)
विधायक दीपस्तंभ न्यूज

साभार: ग्रंथसंपदा
🌹🌹🌹🌹🌹🌹🌹