📚अभंगगाथा 📚

विधायक दीपस्तंभ वृत्तसेवा

श्री संत तुकाराम महाराज गाथा
अभंग १०

देवाच्या प्रसादें करा रे भोजन ।
व्हाल कोण कोण अधिकारी ते ॥१॥

ब्रम्हादिकांसि हें दुर्लभ उच्छिष्ट ।
नका मानूं वीट ब्रम्हरसीं ॥ध्रु.॥

अवघियांपुरतें वोसंडलें पात्र ।
अधिकार सर्वत्र आहे येथें ॥३॥

इच्छादानी येथें वोळला समर्थ ।
अवघेंचि आर्त पुरवितो ॥४॥

सरे येथें ऐसें नाहीं कदाकाळीं ।
पुढती वाटे कवळीं घ्यावें ऐसें ॥५॥

तुका म्हणे पाक लक्षुमीच्या हातें ।
कामारी सांगातें निरुपम ॥५॥

साभार: ग्रंथसंपदा
संकलन: विलास गोंदोळे, संपादक, विधायक दीपस्तंभ न्यूज नेटवर्क