🌞📚शुभ सकाळी…वेचूया माहितीचे कण

February 12, 2026

विधायक दीपस्तंभ वृत्तसेवा
आरमोरी (जिल्हा गडचिरोली)
दिनांक: १२ फेब्रुवारी २०२६
🟧🟩🟪🟧🟩🟪

📚श्री संत तुकाराम महाराज गाथा
अभंग १५

सदा माझे डोळे जडो तुझे मूर्ती ।
रखुमाईच्या पती सोयरिया ॥१॥

गोड तुझें रूप गोड तुझें नाम ।
देईं मज प्रेम सर्व काळ ॥ध्रु.॥

विठो माउलिये हाचि वर देईं ।
संचरोनि राहीं हृदयामाजी ॥३॥

तुका म्हणे कांहीं न मागे आणीक ।
तुझे पायीं सुख सर्व आहे ॥४॥

🌼🌼🌼🌼🌼🌼🌼

📚श्री संत जनाबाईंची गाथा
अभंग १०

माझा शिणभाग गेला । तुज पाहतां विठ्‌ठला ॥१॥

पाप ताप जाती । तुझें नाम ज्याचे चित्तीं ॥२॥

अखंडित नामस्मरण । बाधूं न शके तया विघ्‍न ॥३॥

जनी ह्मणे हरिहर । भजतां वैकुंठीं त्या घर ॥४॥
🟧🟧🟧🟧🟧🟧🟧

📚श्री संत मुक्ताईंची गाथा
१० नाम

आदि मध्य ऊर्ध्व मुक्त भक्त हरी। सबाह्य अभ्यंतरी हरि एकु ॥१॥

नलगती तीर्थे हरिरूपे मुक्त। अवघेंचि सुप्त जपिनिले ॥२॥

ज्योचैनि नामें मुक्त पे जढमूढ। तरले दगड समुद्री देखा ॥३॥

मुक्ताई हरिनामें सर्वदा पैं मुक्त। नाही आदि अंत उरला आम्हां ॥४॥

🌼🌼🌼🌼🌼🌼🌼🌼📚 संकलन
✍️🎙️सौ.दिपलक्ष्मी वि.गोंदोळे
निवासी संपादक (महिला विश्व)
विधायक दीपस्तंभ न्यूज

साभार: ग्रंथसंपदा
🟧🟪🟩🟧🟪🟩