🎙️✍️ थोडक्यात महत्त्वाच्या बातम्या

———————
सहपालकमंत्री आजपासून जिल्हा दौऱ्यावर

विधायक दीपस्तंभ वृत्तसेवा
गडचिरोली: सहपालकमंत्री नियुक्ती झाल्यानंतर राज्याचे वित्त, नियोजन, कृषी मदत व पुनर्वसन,विधी व न्याय, कामगार राज्यमंत्री अॅड.आशिष जयस्वाल हे २५ जानेवारीला प्रथमतःच जिल्हा दौऱ्यावर येत आहेत.दुपारी २ वाजता आरमोरी येथील शासकीय विश्रामगृहात काही क्षण थांबणार आहेत.त्यानंतर ते गडचिरोली येथे पोहचणार असून दुपारी सव्वातीन वाजता जिल्हाधिकारी कार्यालयात आढावा बैठक घेणार आहेत.
************************

स्व.ठाकूरदास बंग स्मृती दिनानिमित्त व्याख्यान २७ जानेवारीला

विधायक दीपस्तंभ वृत्तसेवा
गडचिरोली: तालुक्यातील चातगाव येथील सर्च शोधग्राम येथे स्व.ठाकूरदास बंग स्मृती कार्यक्रम २७ जानेवारीला आयोजित करण्यात आला आहे.सकाळी सव्वानऊ वाजता श्रद्धांजली व प्रार्थना होईल.त्यानंतर सव्वा दहा वाजता प्रजासत्ताक भारतात कृषिक्षेत्र:दशा आणि दिशा या विषयावर वर्धा येथील चेतना विकास संस्थेचे संचालक अशोक बंग यांचे व्याख्यान होणार आहे.
————————————–

गडचिरोलीत रविवारी कुणबी समाजाच्या बैठकीचे आयोजन

विधायक दीपस्तंभ वृत्तसेवा

गडचिरोली: येथे २ फेब्रुवारीला होत असलेल्या जगतगुरु संत तुकाराम महाराज जन्मोत्सव व स्नेहमिलन सोहळ्यानिमित्त विविध विषयांवरील नियोजन संदर्भात २६जानेवारीला सायंकाळी ४ वाजता कुणबी समाज भवन नियोजित जागा,कार्मेल शाळेच्या मागे, गडचिरोली येथे बैठकीचे आयोजन करण्यात आले आहे.
सदर बैठकीस कुणबी समाज बांधवांनी उपस्थित राहावे असे आवाहन मंडळाचे वतीने करण्यात आले आहे.

————————————-

गडचिरोलीत मोफत आरोग्य तपासणी २६ जानेवारीला

विधायक दीपस्तंभ वृत्तसेवा

स्पंदन व डॉ.शानगोंडा मल्टी स्पेशालिटी डेंटल क्लिनिक व ऋषी फाऊंडेशन नागपूरच्या संयुक्त विद्यमाने प्रजासत्ताक दिनाच्या निमित्ताने २६ जानेवारीला (रविवार) सकाळी १०ते दुपारी २ वाजेपर्यंत गडचिरोली शहरातील स्पंदन हाॅस्पिटल येथे मोफत आरोग्य तपासणी शिबिराचे आयोजन करण्यात आले आहे.

शिबिराचे उद्घाटन आमदार डॉ.मिलिंद नरोटे यांच्या हस्ते होणार आहे.

सदर शिबीरात मौखिक कर्करोग, स्त्रीरोग,मासीक पाळी आजार, स्तनाच्या गाठी, शुगर,बीपी, थायरॉईड, हृदयविकार आदींबाबत तपासणी तज्ज्ञांद्वारे होणार आहे.

—————————————-