समविचारी विविध संघटना एकवटल्या
आज हजारो नागरिक उतरणार रस्त्यावर
विधायक दीपस्तंभ वृत्तसेवा
आरमोरी (जिल्हा गडचिरोली):संविधान बचाव संघर्ष समिती, आरमोरीच्या वतीने आज गुरुवार, दि. २६ डिसेंबर २०२४ दुपारी १२.३० वाजता रोजी आरमोरी तहसील कार्यालयावर भव्य निषेध मोर्चाचे आयोजन करण्यात आले आहे.सदर मोर्चा शहरातील तथागत बुध्द विहार, डॉ. बाबासाहेब आंबेडकरांच्या पुतळ्यापासून निघणार आहे.
भारताची सर्वोच्च संसद म्हणजेच राज्यसभेत चर्चेदरम्यान देशातील संवैधानिक पदावर विराजमान असलेले श्री अमित शहा गृहमंत्री, केंद्र सरकार यांनी भारतरत्न डॉ. बाबासाहेब आंबेडकर यांच्या ब‌द्दल अवमानकारक वक्तव्य करून केवळ बाबासाहेब आंबेडकरांचाच नाही तर एकप्रकारे संविधानाचा अपमान केलेला आहे, त्यामुळे अशा मनुवादी मानसिकतेच्या व्यक्तीने केंद्रातील गृहमंत्री पदावर राहता कामा नये,परभणी येथे संविधानाच्या प्रतिकृतीची विटंबना करण्यात आली, त्याचा निषेध करणाऱ्या कार्यकर्त्यांवर पोलीसांनी दडपशाही करुन लाठीहल्ला केला व सोमनाथ सुर्यवंशी यांचा पोलिस कोठडीत मृत्यु झाला. परंतु सोमनाथ सुर्यवंशी यांच्या कुटूंबाला शासनाने कोणतीही मदत केलेली नाही.त्यांचे कुटुंबावर मानसिक, आर्थिक,शारीरिक तसेच सामाजिकदृष्ट्या खचलेल्या अवस्थेत आहे.त्यामुळे सोमनाथ सुर्यवंशी यांच्या मृत्युची न्यायीक चौकशी करून दोषी पोलीस अधिकाऱ्यांवर कारवाई करण्यात यावी.तसेच त्यांचे कुटुंबाला एक कोटी रुपये नुकसानभरपाई देऊन, कुटुंबातील एका व्यक्तीला नोकरीत सामावून घ्यावे.त्याचप्रमाणे केंद्रीय गृहमंत्री अमित शहा यांनी केलेल्या वक्तव्याबद्दल जनतेची माफी मागावी व केंद्रीय गृहमंत्री पदाचा राजीनामा द्यावा अशा मागण्या सदर मोर्चातून केल्या जाणार आहेत.
सदर मोर्चात संविधानप्रेमी व लोकशाहीवादी नागरिकांनी स्वयंस्फुर्तीने मोठ्या संख्येने सहभागी होण्याचे आवाहन
प्रियदर्शी सम्राट अशोक सोशल फोरम आरमोरी, ऑल इंडिया आदिवासी एम्प्लॉईज फेडरेशन, डॉ. बाबासाहेबआंबेडकर स्मारक मंडळ आरमोरी, आरमोरी मुस्लिम समाज जामा मस्जिद कमेटी, समता युवा सामाजिक संघटना, विवर भोई समाज संघटना आरमोरी, माळी समाज संघटना आरमोरी, संत रविदास चर्मकार समाज आरमोरी, डॉ. बाबासाहेब आंबेडकर युवा मंच, जेतवन बौध्द समाज विकास समिती, अखिल भारतीय दलित अधिकार आंदोलन, महात्मा फुले युवा संघर्ष समिती आरमोरी, आनंद बुध्द विहार समिती, सिध्दार्थ नगर बौध्द समाज विकास मंडळ, लोकहित संघर्ष समिती आरमोरी, बौध्द समाज जूनी पेठ आरमोरी, बौध्द समाज मोठा मोहल्ला वैरागड, बौध्द समाज इंदिरा नगर डोंगरी व समस्त परिवर्तनवादी सामाजीक संघटना आरमोरी,तसेच विविध राजकिय पक्ष शिवसेना (उबाठा), राष्ट्रवादी काँग्रेस पक्ष (शरद पवार गट), आझाद समाज पार्टी, वंचित बहुजन आघाडी, बहुजन समाज पार्टी, भारतीय कम्युनिस्ट पार्टी, तालुका काँग्रेस कमेटी आरमोरी, मार्क्सवादी कम्युनिस्ट पार्टी, रिपब्लिकन पार्टी ऑफ इंडिया, पिपल्स रिपब्लिकन पार्टी, लोक जन शक्ती पार्टी (रामविलास) तथा समस्त लोकशाहीवादी व संविधान समर्थक पक्ष नागरिक यांनी केले आहे.
